ಹಗಲಿರುಳು ತಪಗೈದ ಮಾಂತ್ರಿಕ
ನಾನು
ಪಡೆಯುವ ಮೊದಲೇ ಕಳೆದುಹೋದ ನಿಧಿ
ನೀನು
ಕತ್ತಲೆ ಬೀದಿಯಲ್ಲಿ ಹೊಳೆವ
ಕಂದೀಲು ನೀನು
ದೀಪ ಹಚ್ಚುವ
ಮೊದಲೇ ಕುರುಡಾದವ ನಾನು
ದೂರದಿಂದಲೇ ಕರೆವ ದ್ವೀಪದಂತೆ
ನೀನು
ಕಡಲಿಗಿಳಿವ ಮೊದಲೇ ಮುಳುಗಿದ
ಹಡಗು ನಾನು
ಯಾರೂ ತಲುಪಬಯಸುವ ಗಮ್ಯ ನೀನು
ಹೆಜ್ಜೆಯಿಡುವ ಮೊದಲೇ ಎಡವಿದವ
ನಾನು
ಹೇಗೆ ತಾನೇ ತಲುಪಲಿ ನಿನ್ನ
ಬಂದು ಸೇರಬಾರದೇ ನನ್ನ
-ಕೆಂಚನೂರಿನವ
ಹೋಲಿಕೆ ಚೆನ್ನಾಗಿದೆ, ಆಕೆಯೂ ಇದನ್ನೇ ಹಾಡುತ್ತಾರಂತೆ ಗೆಳೆಯ...
ಪ್ರತ್ಯುತ್ತರಅಳಿಸಿ