ನಶೆಯಲ್ಲಿ ಹೃದಯ ಜಾರೀತು ನಿನ್ನ ನೀ ಸಂಭಾಳಿಸು
ನಿಶೆಯಲ್ಲಿ ಹೆಜ್ಜೆ ಎಡವೀತು ನಿನ್ನ ನೀ ಸಂಭಾಳಿಸು

ಇಲ್ಲಿ ನೋವಿನಲ್ಲಳುವರ ಕಂಡು ನಗುವವರೇ ಹೆಚ್ಚು
ಕಣ್ಣೀರು ಕೆನ್ನೆಗಿಳಿಯುವ ಮೊದಲೇ ಸಂಭಾಳಿಸು

ಇಲ್ಲಿ ಮೋಸಕ್ಕೆ ಪ್ರೇಮದ ಹೆಸರಿಡುವವರೆ ಹೆಚ್ಚು
ಎದೆಯ ಮಾತು ತುಟಿಗೆ ಬರುವ ಮೊದಲೇ ಸಂಭಾಳಿಸು

ಇಲ್ಲಿ ಇರಿಯಲೆಂದೇ ತೆಕ್ಕೆ ಬೀಳುವವರು ಹೆಚ್ಚು
ತೋಳು ತೆರೆಯುವ ಮೊದಲೇ ನಿನ್ನ ನೀ ಸಂಭಾಳಿಸು

ಇದು ಹಾದಿ ತಪ್ಪಿದವನ ಹಾಡು ತಪ್ಪೇ ಹೆಚ್ಚು
ಲಯ ತಪ್ಪುವ ಮೊದಲೇ ನೀ ನನ್ನ ಸಂಭಾಳಿಸು

-ಕೆಂಚನೂರಿನವ