ಹೀಗೆ ಸೆಳೆಯದಿರು ಬಯಕೆಗಳ
ನಿನ್ನ ನಗೆಯಲೆಗಳಲ್ಲಿ ತೇಲಿಬಿಟ್ಟು
ಬಂದಿದ್ದೇನೆ ನಡುಗಡಲಿನಲಿ
ನನ್ನ ಹಡಗನ್ನು ತೇಲಲುಬಿಟ್ಟು
ಹೊಳೆವ ಕಣ್ಣಲಿ ಹೀಗೆ ಸೆಳೆಯದಿರು
ಹೋಗಬೇಕಿದೆ ಹಡಗು ಬಹುದೂರ
ತಟವ ಸೇರದಿರಲಿ ಈ ಹಡಗು
ಸೆಳೆವ ನಿನ್ನ ಕಣ್ಣುಗಳ ಕಂಡು
ಹಾರಿಸಿ ಬಿಡದಿರು ನಿನ್ನ ಸೆರಗು
ಹಾಯಿಯಿಲ್ಲದ ಹಡಗು ನನ್ನದು
ಸೆಳೆಯದಿರು ತೇಲಿಬಂದರೆ ನಿನ್ನೆಡೆಗೆ
ನನ್ನ ದಾರಿಯಿದು ಬೇರೆಯಿದೆ
ಇಷಾರೆಗಳ ಮಾಡಿ ಕರೆಯದಿರು
ದಿಕ್ಕು ತಪ್ಪದಿರಲಿ ದಿಕ್ಕಿಲ್ಲದ ಹಡಗು
ನನ್ನ ದಾರಿಯಿದು ಬೇರೆಯಿದೆ
ದಿಕ್ಕು ತಪ್ಪಿದವನು ನಾನು
ದಡ ಸೇರಲೆಂದು ಕಡಲಿಗಿಳಿದಿಲ್ಲ
ತೇಲುವ ಬಲವೂ ಉಳಿದಿಲ್ಲ
ಮುಳುಗಿದರಿದು ಮುಳುಗಲಿ ಬಿಡು
ಸೆಳೆಯದಿರು,ನನ್ನ ದಾರಿಯಿದು ಬೇರೆ
-ಕೆಂಚನೂರಿನವ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ