ನೆನಪಿದೆಯೇನೆ ಗೆಳತಿ ನಿನಗೆ ?
ನೆನಪಿದೆಯೇನೆ?
ಚಿಕ್ಕ-ಚಿಕ್ಕ ಗಲ್ಲಿಗಳಲ್ಲಿ
ದೊಡ್ಡ-ದೊಡ್ಡ ಕನಸುಗಳ
ಬೆವೆತ ಅಂಗೈಗಳ ನಡುವಿನಲ್ಲಿಟ್ಟುಕ
ೊಂಡು
ಓಡಾಡಿದ್ದು ನೆನಪಿದೆಯೇನೆ?

ಚಿಕ್ಕ-ಚಿಕ್ಕ ಖುಷಿಗೂ
ಕಣ್ಣು ಹನಿಯುವವರೆಗೂ
ದೊಡ್ಡದಾಗಿ ನಕ್ಕಿದ್ದು
ನೆನಪಿದೆಯೇನೆ?

ಬಂದ ಬಸ್ಸು ಬೇಕೆಂದೇ ಬಿಟ್ಟು
ನಿನ್ನ ಸಾಂಗತ್ಯಕ್ಕೆ ಹಂಬಲಿಸುತ್ತಾ
ಇನ್ನೊಂದು ಬಸ್ಸಿಗೆ ಕಾದಿದ್ದು
ನೆನನಪಿದೆಯೇನೆ ನಿನಗೆ ?

ಇಬ್ಬರೂ ಸೇರಿ ಕಟ್ಟಿದ
ಪಾರಿಜಾತದ ಮಾಲೆ,ನೀನು
ಇನ್ನೊಬ್ಬನ ಕೊರಳಿಗೆ ಹಾಕಿದ್ದು
ಸರಿಯೇನೆ ಗೆಳತಿ ಸರಿಯೇನೆ?
-ಕೆಂಚನೂರಿನವ