ಕಾಡಿನಲ್ಲರಳಿದ ಹೂ ;
ನಾ ಬರೆದ ನೀ ಓದದ ನಿನ್ನ ಕವಿತೆ
*
ಇಲ್ಯಾರೋ ಹಚ್ಚಿದ ಹಣತೆ
ಅಲ್ಲೆಲ್ಲೋ ಒಸರುವ ಒರತೆ
ದಾರಿ ಸಾಗಿದೆ ಮುಗಿಯದೆ
ನೀನಿಲ್ಲವೆಂಬ ಕೊರತೆಯ ಹೊರತು
*
ನೀನು ದೇವತೆಯಂತವಳು ಅಂದಿದ್ದೇ ತಪ್ಪಾಯ್ತು;
ದೇವತೆ ಮನುಷ್ಯರಿಗೆ ಒಲಿಯದಂತೆ ಮಾಡುವ ಹುನ್ನಾರ ಇಂದಿನದಲ್ಲ ಬಿಡು
*
ನಿನ್ನ ಮನೆಗೆ ದಾರಿತೋರುವ ಕೈಮರ ಎಲ್ಲಿಯೂ ನೆಟ್ಟಿಲ್ಲವೆಂಬ ಸತ್ಯವೇ ಅದನ್ನು ಹುಡುಕಲು ನನಗಿರುವ ಪ್ರೇರಣೆ
*
ಎಲ್ಲ ಫಲಕಗಳನ್ನೂ ತಿರಸ್ಕರಿಸುತ್ತಾ ಮುಂದೆ ಸಾಗಿದೆ, ಈಗ ಆ ದಾರಿಯಲ್ಲಿ ನನ್ನ ಹೆಸರಿನಲ್ಲೊಂದು ಫಲಕ ನೆಡಲಾಗಿದೆಯಂತೆ
*
ನೀನು ಬದುಕಲ್ಲ,
ಬದುಕಿನ ಸುಂದರ ವ್ಯಾಖ್ಯಾನ
*
ಕಡಲಿಗಿಳಿಯಲು ಬಿಡದ
ಮಳೆ-ಗಾಳಿ
ದೋಣಿಯ ಸವತಿಯರು
-ಕೆಂಚನೂರಿನವ
"ಎಲ್ಲ ಫಲಕಗಳನ್ನೂ ತಿರಸ್ಕರಿಸುತ್ತಾ ಮುಂದೆ ಸಾಗಿದೆ, ಈಗ ಆ ದಾರಿಯಲ್ಲಿ ನನ್ನ ಹೆಸರಿನಲ್ಲೊಂದು ಫಲಕ ನೆಡಲಾಗಿದೆಯಂತೆ" ಮಾರ್ಮಿಕ, ನಮ್ಮ ಅಹಂ ಇಳಿಸಲು ಬರೆದ ಶಾಲೇ ಇದು?
ಪ್ರತ್ಯುತ್ತರಅಳಿಸಿ