ಮಹಾನಗರಿಗಳಲ್ಲಿ
ಇಲ್ಲಿ ಏನನ್ನೂ ಬೆಳೆಯುವುದಿಲ್ಲ
ಆದರೂ ಎಲ್ಲವೂ ಸಿಗುತ್ತದೆ
ಹಣವಿರಬೇಕಷ್ಟೇ
ಇಲ್ಲಿನ ಶೃಂಗಾರಕ್ಕೆಂದೇ ಬೆಳೆಯಲಾಗುತ್ತೆ
ಹಳ್ಳಿಗಳಲ್ಲಿ ಬಣ್ಣ-ಬಣ್ಣದ ಹೂಗಳು
ಮೊದಲು ಹಸಿರು ಬೆಳೆಯುತ್ತಿದ್ದ ನೆಲದಲ್ಲಿ
ಈಗ ಎತ್ತರಕ್ಕೆ ನಗರಗಳು ಬೆಳೆಯುತ್ತಿವೆ
ಇಲ್ಲಿ ರಾತ್ರಿಯಾಗುತ್ತದೆಯಾದರು
ಕತ್ತಲಾಗುವುದಿಲ್ಲ
ತಿಂಗಳಬೆಳಕು ಬೀಳದ ಊರಿನಲ್ಲಿ
ಮೂನ್ ಲೈಟ್ ಡಿನ್ನರ್ ಬಡಿಸುವ ಹೋಟೆಲುಗಳಿವೆ
-ಕೆಂಚನೂರಿನವ
ಹಲವು ಅಚ್ಚರಿಗಳ ತವರು ನಮ್ಮ ಮಾಯಾನಗರಿಗಳು.
ಪ್ರತ್ಯುತ್ತರಅಳಿಸಿ