ನಾಕು ಮುತ್ತು
ಒಂದೆರಡು ಅಪ್ಪುಗೆ
ಕಥೆ'ಬಯಸಿದರೆ' ಮಿಲನ
ನಿರ್ದೇಶಕನ ಬಯಕೆಗೆ
ನಿರ್ಮಾಪಕ ಅವಳಿಗೆ ಕಟ್ಟಿದ ಬೆಲೆ
ಹತ್ತು ಲಕ್ಷ
*
ಕತ್ತಲೆ ಕೋಣೆ
ಪರದೆ ಮೇಲೊಂದು ಚಿತ್ರ
ನೋಡಲು ಹೆಚ್ಚೆಂದರೆ ಐವತ್ತು
ವಿವಿಧ ಕೋನಗಳಲಿ ಸೆರೆಹಿಡಿದ
ಅವಳ ಬಾಗು-ಬಳುಕುಗಳು
ಒಳಗೆ ಹುಟ್ಟಿಸುವ ತುಮುಲಗಳು ಉಚಿತ
*
ಸಂಜೆ
ಜನತಾ ಬಾಜಾರಿನೆದುರು
ಸುಖ ಕೈ ಬೀಸಿ ಕರೆಯುತ್ತದೆ
ಹೆಚ್ಚೇನಿಲ್ಲ ಇನ್ನೂರೈವತ್ತು,
ರೂಮು ಬಾಡಿಗೆ
ಗಂಟೆಗೆ ನೂರು
*
ಇಲ್ಲ ಬಿಡಿ ನೀವು ಹುಡುಕುವ ಕಾವ್ಯ
ನನ್ನಲ್ಲಿಲ್ಲ ಕ್ಷಮಿಸಿ
-ಕೆಂಚನೂರಿನವ