ಎಷ್ಟು ಪ್ರಯತ್ನಿಸಿದರೂ 
ನೀನಿತ್ತ ಮೊದಲ ಮುತ್ತು
ಮತ್ತದರ ಮತ್ತಿಗೆ
ಹೋಲಿಕೆಯಾಗುವ ಪದ
ಹುಡುಕಿ ಕವಿತೆ ಕಟ್ಟಲಾಗಲಿಲ್ಲ
.............................................................................
ಯಾವ ಹೆಸರಿಟ್ಟರೇನು ಫಲ
ಸಂಬಂಧಕ್ಕೆ
ನನ್ನ ಖುಷಿಯಲ್ಲಿ
ನಿನ್ನ ಕಣ್ಣರಳದಿದ್ದರೆ
ನಿನ್ನ ನೋವಿಗೆ
ನನ್ನ ಕಣ್ಣು ನೀರಾಗದಿದ್ದರೆ
...................................................................................

ಬಿಡುಗಡೆ
..................
ಗೆಳತಿ...
ಸದಾ ನಿನ್ನ ನೆನಪಿನ
ಹಂಗಲ್ಲೇ ಬದುಕುವ ಹೃದಯ-
ದಿಂದ ನನ್ನ ದೇಹ
ಬಿಡುಗಡೆ ಬಯಸುತ್ತಿದೆ
............................................................................................

ಸಂಜೆ
................
ಬೇಕಾಗಿದೆ ಗೆಳತಿ
ಮುಗಿಯದ ಸಂಜೆಯೊಂದು
ನಿನ್ನ ಸಾಂಗತ್ಯದಲ್ಲಿ

........................................................................................................

ಮೋಸ
..................................
ಕನಸಿನಲ್ಲಿ ಬರುತ್ತೇನೆಂದು ನಂಬಿಸಿ
ನಿದ್ದೆ ಕದ್ದು ಹೋದವಳ
ಮಾತು ನಂಬಿ
ನಾ ಮೋಸಹೋದೆ
...............................................................................................................
ಬೇಲಿ
................................
ನನ್ನ ಪ್ರೇಮದೂರಿನ ದಾರಿಗೆ
ಮುಳ್ಳು ಸುರಿದವರೆ ಕೇಳಿ
ಇಂದು ನಾ ಸೇರಲಿರುವೆ ಅವಳನ್ನ
ನನ್ನ ಕನಸಲ್ಲಿ
ಸಾಧ್ಯವಾದರೆ ಕಟ್ಟಿ
ನನ್ನ ಕನಸಿಗೊಂದು ಬೇಲಿ