ನೆನಪಿರಲಿ...
ಊರಿನ ರಸ್ತೆ
ಅಗಲಿಸುವಾಗ
ಪಡೆದ
ಜಾಗಕ್ಕೆ ಮಾತ್ರ
ಪರಿಹಾರ.
ಹಾಕುವ
ದೊಡ್ಡದೀಪಗಳು
ಕಟ್ಟುವ ಡಿವೈಡರುಗಳು
ನಿಮ್ಮ ಇರುಳ
ಮತ್ತು ಬೆಳದಿಂಗಳು ಕಸಿದುಕೊಂಡಿದ್ದಕ್ಕೆ
ಚಲನೆ ಕಟ್ಟಿಹಾಕಿದ್ದಕ್ಕೆ ಪರಿಹಾರವಿಲ್ಲ
ಮೊನ್ನೆಯವರೆಗೂ
ಕೂಗಳತೆಯಲ್ಲೇ ಇದ್ದ ಎದುರು ಮನೆಯೀಗ
ಹೆಚ್ಚುದೂರವಿಲ್ಲ
ಬೇಲಿಸುತ್ತಿ
ಹೋಗಬೇಕಷ್ಟೆ
ಎರಡು ಮೈಲಿ
ಚಿಂತಿಸದಿರಿ ದೂರವಾಯ್ತೆಂದು
ಮನೆಮನೆಗೂ
ನೀಡಲಾಗುತ್ತಿದೆ ಇಂಟರ್ನೆಟ್ಟು
ಸುಧಾರಿತ ಭಾರತದಲ್ಲಿ
ಡೌನ್ ಲೋಡ್ ಮಾಡಿಕೊಳ್ಳಿ
ಬೇಕೆನಿಸಿದ ಸಂಬಂಧಗಳನ್ನು,
ಮತ್ತೆ ಯೋಚಿಸದಿರಿ
ಕಿಟಕಿಯಿಂದ ತೂರುತ್ತಿದ್ದ
ಹಾಲ್ಬೆಳದಿಂಗಳು ಇಲ್ಲವೆಂದು
ತೂರಿ ಬರಲಿವೆ
ಲೋ ಬೀಮ್ ಹೈ ಬೀಮ್
ಬೆಳಕಿನ ಚಿತ್ತಾರಗಳು
ನಿಮ್ಮ ಮನೆಯೊಳಗೇ
ಮಂಗಳವಾರ, ಫೆಬ್ರವರಿ 26, 2013
ಪರಿಹಾರ
ಇದಕ್ಕೆ ಸಬ್ಸ್ಕ್ರೈಬ್ ಆಗಿ:
ಕಾಮೆಂಟ್ಗಳನ್ನು ಪೋಸ್ಟ್ ಮಾಡಿ (Atom)
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ