ಬದುಕು
......................
ಕೆಲವರಿಗೆ
ಹೆರುವ ಮುನ್ನವೇ
ತಯಾರು
ತೂಗುವ ತೊಟ್ಟಿಲು
ಇನ್ನೂ ಕೆಲವರಿಗೆ
ಸಿಗುವುದೇ ಇಲ್ಲ
ಎರಡು ಕೈಗಳು
ನಿದ್ದೆ ಬಂದು
ಅಳುವಾಗ ತಟ್ಟಲು

.............................................................................................

ಯಾವ ತೀರವೂ ನಿಜವಲ್ಲ
ಗೆಳೆಯ
ನಂಬಿ ನಿಲ್ಲದಿರು;
ನೆರೆ ಬಂದಾಗ
ತೀರಕ್ಕೆಲ್ಲಿದೆ ಅರ್ಥ?

....................................................................................................

ನನ್ನದೊಂದು ಪ್ರಾರ್ಥನೆ
ದೇವರ ತಲುಪಿದಂತಿದೆ
ಅವಳ ಎಂದಿನ ಮುಗಳ್ನಗೆ
ಇಂದು ನನಗೆ ಬೇರೇನೋ ಹೇಳಿದಂತಿದೆ

....................................................................................................

ಪ್ರಶ್ನೆ
..................
ನನ್ನ ಪ್ರೇಮದ ಹೂವನ್ನು
ಕಿತ್ತುಕೊಂಡು ಹೋದವರೆ ಹೇಳಿ
ಅವಳ ನೆನಪಿನ ಮುಳ್ಳನ್ನೇಕೆ
ಇಲ್ಲೇ ಬಿಟ್ಟು ಹೋದಿರಿ?

....................................................................................................