ಗೆಳೆಯನಿಗೆ
ದಾಟಲೇಬೇಕೆಂಬ ಧಾವಂತವೇಕೆ?
ದಾಟಲಾಗದ ಕಡಲು ಮೂರುದಿನದ ಬಾಳು
ಮೀಟಿ ನೋಡು ಪ್ರತಿ ಎದೆಯ ತಂತಿ
ಮಧುರ ಸಂಗೀತದಂತೆ ಕೇಳಬಲ್ಲೆಯಾದರೆ
ಅಣಿಗೊಳಿಸು ನಿನ್ನೆದೆಯ ವೀಣೆಯಂತೆ
ಯಾರೋ ಬಂದು ಮೀಟಲು ಕೇಳೀತು
ಮಧುರ ಸಂಗೀತದಂತೆ
ನೋವ ಹುಡುಕಿ ಹೊರಟ ನೀನು
ನಲಿವ ಹೇಗೆ ಪಡೆಯುವೆ
ಪ್ರೇಮವಿರಲಿ ಎದೆಯಲಿ
ನಾವು ನೋಡಿದಂತೆ ಜಗವು
ಕಾಣುವುದು ನಂಬು ಗೆಳೆಯ
ಹೆಚ್ಚು ಲೆಕ್ಕಾಚಾರ ಬೇಡ
ಮೂರು ದಿನದ ಬಾಳಿಗೆ
ನೆಂಟರಂತೆ ನೋವು-ನಲಿವು
ನಮ್ಮ ಇಂದು-ನಾಳೆಗೆ
ನಂಬಿ ಬದುಕು ತಣ್ಣಗೆ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ